Menu
Tá Scoil na Crannóige ag cuir ranganna ar fáil achan tseachtain sa Chrannóg ag teagasc fidil, feadóg stáin, píoba, giotár, bosca ceoil, consairtín, maindilín, cláirseach, amhránaíocht agus drámaíocht & Cór daoine fásta.
Thig ranganna aonarach a eagrú do pháistí & do dhaoine fásta.
Beidh ranganna ar ais sa Chrannóg ón 8ú Meán Fómhair 2025.
Téarma 10 seachtainí 8/9/25 – 21/11/25.
Thig clárú & íoc ar líne ag an nasc seo –
https://cfgd.wufoo.com/forms/t1-snac-8925/
Tá bileog eolais isteach le seo ach thig leis an lá/am athrú ag bráth ar éilimh.
Beidh rang fideogaí 6-7 Déardaoin.
Beidh fad an rang ag bráth ar an méid daoine atá sa rang. Múna bhfuil go leor daoine ag an leibhéal ceanna le rang a dhéanamh, thig ranganna aonarach a eagrú. Tá ranganna aonarach €20 ar 30 bom.
Do pháistí atá ag tosach uirlis ceoil is fearr tosach leis an fheadóg stáin.
Tá rang grúpa (ar luach laghdaithe €30) ar fáil do dhaoine atá 10+ & atá ag seinm le cúpla bliain. Tá seo ar fáil do dhaoine atá ag déanamh ranganna aonarach nó rang uirlisí (ach amháin giotár).
Ní bheidh ranganna Scíth lárthéarma ón Luan go Aoine, 27-31 Deireadh Fómhair. Beidh ranganna Dé Luain fiú más saoire banc atá ann.
Tá uirlisí le fáil ar cíos do thosaitheoirí. Más maith leat uirlis ar cíos nó tuilleadh eolais, cuir rphost chuig ó
Ranganna sa Chrannóg.
10 weeks of classes
Dé Luain Giotár 10+ 6in
Grúpa nach tosaitheoir 10+ 6in
Dé Máirt Drámaíocht Pobalscoil 4.30-6in
Bosca Cnaipí 8+ 6in
Amhránaíocht 6+ 6 & 7in
Cláirseach 10+ 6in
Dé Céadaoin Consairtín 8+ 5 & 6in
Fidil 6+ 5 &6in
Maindilín 8+ 5 &6in
Déardaoin Píb Uilleann 10+ 5.30in
Feadóg Stáin 6+ 6-7in
Dé hAoine Drámaíocht aois bun scoile 6+ 3.30 – 4.30
Lá le socrú Fliúit 8+
Bouzouki 8+
Cumhaidh an Oileáin: cumtha ag Tomás 'ac Giolla Bhrighde (Tom a'Bhungalow). Céad slán leis an oileán Inar chaith mé mo shaol Céad slán leis na beannaí, an cnoc is an sliabh céad slán leis na poirt, Port a' Chruinn is Port Mór Céad slán leat, a Ghabhla, céad slán leat go buan. I mo bhrídeog a chuaigh mé, go dtí an baile thiar Le Dónall mo chéile Ba sheascair a bhíos De chlann bronnadh orainn,triúr mac agus iníon Is ba mhinice gaire ná gruaim i mo shaol. Ag Carraig an Aifrinn, tráthnóna Déardaoin Do ghuigh mé chuig Mhuire,an doineann a chloí Ach mo chéile 's mo chlann mac do ghoid an mhuir uaim Agus faire gan corp a bhí againn Dé Luain Tá Maire, mo iníon amuigh ar tír mhór Is aici a rachadh le ualach mo bhróin Ach m'anam 's mo chroí ní fhágfaidh go deo An teach beag a thóg Dónall, mo chéile fadó Céad slán leis an oileán Inar chaith mé mo shaol Céad slán leis na beannaí, an cnoc is an sliabh céad slán leis na poirt, Port a' Chruinn is Port Mór Céad slán leat, a Ghabhla, céad slán leat go buan.
Bó na Leath adhairce Bó, bó, bó na leath adhairce Bó, bó, sí an tseana chaor adharcach Bó, bó, bó na leath adhairce Bó dhruimfhionn dhearg ná feadar cá bhfaighead’ í Thíos cois na toinne ‘sea beathaíodh mo chaora Ag Diarmuid Ó Dioláin ó Bharra na hAoine Mac dearthár athair dom a chuir le faill í Easpa tobac a bhí ar an gcladhaire. B’fhearr liom ná scilling go bhéicfinn mo chaora ‘Teacht go dtí an doras ar maidin nó ‘stóiche Thálfadh sí bainne orm, bheathódh sí uan dom Chuirfeadh sí ‘jacketeen’ deas ar mo ghualainn. Chonacthas beirithe í, chonaic a roinnt í Chuireas-sa dúil intí ach blúire ní bhfaighinn di ó nár dheas í, ó nár mheidhreach ó nár dheas í an tseana chaor adharcach. Dá mbeinnse i rachmas, i ngradam is in oidhreacht Thabharfainnse giní ar chúpla sladhas di Ó nár dheas í, ó nár mheidhreach Ó nár dheas í an tseana chaor adharcach.
Crann Úll Tá crann úll i gcoirnéal an ghairdín Is suífimid síos nó go gcuire muid an fál air Ar eagla go dtitfeadh an bunadh óg i ngrá leis Nuair a bhogfhas tusa Bogfaidh mise Is bogfaidh muid le chéile A chraoibhín aoibhinn álainn ó B’fhearr liom an gabha ’tá ag obair sa cheartán Ag bualadh an t-ord go luachmhar is go láidir A shaothródh an scilling is d’ólfadh ’dtigh an tábhairne é B’fhearr liom an feirmeoir ag seoladh amach go haerach Maidin dheas san earrach, le seisreach is péire Ag cromadh ar an obair ’s ag tiontú an chréafóg B’fhearr liom an t-iascaire amuigh ina bháidín Ag cur a chuid eangach ’s ag breith ar na bradáin Ag troid leis na tonnta ó oíche go maidin
Gleanntáin Ghlas Ghaoth Dobhair Céad slán ag sléibhte maorga Chondae Dhún na nGall Agus dhá chéad slán ag an Earagal árd Ina stua os cionn caor 's call Nuair a ghluais mise thart le loch Dhún Lúich Go ciún 'sa ghleann ina luí I mo dhiaidh bhí Gleanntáin Ghlas Ghaoth Dobhair Is beag nár bhris mo chroí Ag taisteal domh amach fríd chnoic Ghleann Domhain 'S an Mhucais ar mo chúl Ní miste domh 'ra le brón 's le crá Gur fhreasach a shil mise súil Go 'Meiriceá siar, a bhí mo thriall I bhfad thar an fharraige mhór D'fhag mé slán ar feadh seal ag Dún na nGall 'S ag Gleanntáin Ghlas Ghaoth Dobhair Níorbh é mo mhiansa imeacht ariamh Ó m' thír bheag dhílis féin Ach trom lámh Gall, le cluain 'S le feall, a thiomáin mé i gnéill B'é rún mo chroí-se pilleadh arís Nuair a dhéanfainn beagán stór 'S deireadh mo shaoil a chaitheamh lem ghaoil Fá Ghleanntáin Ghlas' Ghaoth Dobhair Slán, slán go fóill a Dhún na nGall A chondae shéimh gan smál 'S dod gheara breá in am an ghá Nár umhlaigh riamh roimh Ghall Tá áit i mo chroí do gach fear 's gach mnaoi 'S gach páiste beag agus mór Áta beo go buan, gan bhuairt, gan ghruaim Fá Ghleanntáin Ghlas Ghaoth Dobhair
Ansacht na n-ansacht
A mh’ansacht na n-ansacht
A dtug mé m’ansacht go léir duit
Nach cuimhin leat mo mhealladh
Is rinne tú’n fheall orm na dhiaidh sin
Anois atá mé folamh
Is go bhfuil m’intinn lán bhuartha
‘S mé ag amharc ar mo leannán
Ag fear eile á bréagadh
Éireoidh mé ar maidin
Le theacht dheirg na gréine
Agus fuígfidh mé mo bheannacht
Ag cailíní an tsaoil seo
Bhéarfaidh mé an ruaig sin
Thart suas fá Loch Éirne
‘S ní fhillfidh mé ‘na bhaile
Go gcanfaidh ‘n chuach ann gach réigiún
Mar bhláth bán na nóiníní
Bhíos a’ fás i dtús a’ tSamhraidh
Nó mar fhaoileán dheas bhán
A bhíos a’ snámh ar na méilte
Mar ghrian os cionn na dtuillte
‘Sí dealramh thart timpeall
‘S nach siúd mar bhíos mo ghrása
A’ déanamh rámhaillí i m’intinn
