Menu
Cur chun cinn labhairt na Gaeilge agus gach gné de chultúr agus d’oidhreacht na paróiste.
Bíonn Scoil na Crannóige ag cuir ranganna ar fáil sa Chrannóg ag teagasc fidil, feadóg stáin, píoba, giotár, bosca ceoil, consairtín, maindilín, bainseó, cláirseach, drumaí, amhránaíocht, scéalaíocht, drámaíocht, Cór óg agus Cór daoine fásta.
Tá clú agus cáil ar Scoil Gheimhridh Ghaoth Dobhair nó Scoil Gheimhridh Frankie Kennedy mar a tugadh uirthi i dtús ama. Tugann na mílte ceoltóir aghaidh ar cheantar álainn, ársa Ghaoth Dobhair le linn thréimhse na Nollag chun sult agus pléisiúr a bhaint as scoith an cheoil, na hamhránaíochta agus an rince i gcuideachta a gclann agus a gcairde.
Tá an Seomra Staire sa Chrannóg oscailte gach lá ó Luan go hAoine ón 9r.n. – 5i.n. (agus amanna eile ach coinne a dhéanamh). Tá cuid mhór ábhar stairiúil ann –idir sheanphictiúrí, nuachtáin agus seanirisí, chomh maith le cnuasach mór de leabhair Ghaeilge agus de leabhair thagartha a bhaineann le Gaoth Dobhair agus le Contae Dhún na nGall. Ní hamháin go bhfuil an t-ábhar stairiúil atá le fáil ann úsáideach do mhic léinn agus do lucht taighde, ach spreagtar suim an phobail ann fosta. Ní thig ábhar a thógáil as an áit ach thig cóipeanna a dhéanamh. Is seoid luachmhar don phobal é an seomra staire – ní mór leas a bhaint as!!